ToxoTIC

A Administración sen papeis

Viernes, 06 de Julio de 2012 07:45

O obxectivo semella estraño. Ou inalcanzábel. Dacordo co calendario que o Goberno central estableceu en 2010, en tres anos as Administracións públicas deberían ter eliminado o papel dos seus quefaceres. Todos os trámites administrativos deberán estar dixitalizados, a sinatura electrónica incorporada e os rexistros totalmente migrados ao formato dixital. A OCDE vén de realizar un estudo estratéxico no que avalía o desenvolvemento da Administración electrónica en España e, aínda propoñendo recomendacións e unha serie de liñas de actuación, non considera o obxectivo da Administración sen papeis para 2015 en absoluto infactíbel, máis ben ao contrario. No Toxotic botamos o ollo sobre a e-Administración e as recomendacións da OCDE e sacamos as nosas propias conclusións.

Leer más

   

Nova lei para a innovación galega

Viernes, 22 de Junio de 2012 09:57

A I+D galega vai ter un novo marco legal. A Xunta aprobou no seu Consello o proxecto de Lei de Fomento da Investigación e a Innovación de Galicia, unha lei que substituirá a actual, que suma xa case vinte anos de vixencia. O obxectivo do Goberno galego pasa por vincular a iniciativa privada na promoción da innovación, aparte da necesaria actualización normativa e adecuación aos novos marcos legais no Estado e en Europa. No Toxotic facemos un repaso pola situación da I+D+i galega e a repercusión que pode exercer o novo texto legal, unha lei que chega pouco despois de se aprobar a primeira lei de política industrial para Galicia.

Leer más

   

A arte de demostrar as TIC

Viernes, 15 de Junio de 2012 11:56

Un ano leva en funcionamento o chamado Centro Demostrador TIC de Galicia –CDTIC–, autodenominado “escaparate tecnolóxico” onde se realizan presentacións das solucións que desenvolven as empresas TIC galegas co obxectivo de achegalas ao resto de sectores produtivos do país. No ToxoTIC avaliamos a operatividade deste centro e o seu primeiro balance de actuacións, presentado nunha xornada de boas prácticas o pasado mes de maio.

Leer más

   

O longo camiño do puntoGAL

Viernes, 08 de Junio de 2012 08:07


A iniciativa puntoGAL continúa a dar novos pasos para conseguir un dominio galego na Internet. Estes días tiñamos coñecemento do máis decisivo: a presentación da candidatura na ICANN, que este ano, por fin, abriu o prazo para novas solicitudes, algo que non facía dende o ano 2004. Non era, pois, sen tempo, Galicia agarda polo seu dominio dende hai seis anos, cando se constituía a asociación promotora, que hoxe conta co apoio unánime de todos os sectores sociais, culturais e políticos. Imos repasar neste ToxoTIC a iniciativa do .gal, un dominio en internet que aínda sen existir conta xa con máis historia que calquera lexislatura ou proxecto de goberno.

Leer más

   

Cinco anos de dinamización, de modernización, de inclusión tecnolóxica

Viernes, 01 de Junio de 2012 08:08

A Rede de Centros para a Modernización e Inclusión Tecnolóxica de Galicia, a chamada Rede CEMIT, xestionada pola Xunta, leva dous anos en plena operatividade, conta con aulas de informática en máis de noventa concellos do país e vén de integrar na súa páxina web o acceso á rede e os procedementos de reserva e matrícula nas actividades dos seus centros. A rede recolleu o testemuño das anteriores Rede de Telecentros de Comunicación e Rede de Dinamización da Sociedade da Información, postas en marcha polo bipartito dende cadansúa área de goberno, mantendo os obxectivos de achegarlle as novas tecnoloxías á cidadanía, en especial aos colectivos afectados pola fenda dixital, e tamén cunha maior ambición de ampliar os proxectos formativos a traballadores e sectores empresariais. No ToxoTic desta semana analizamos a fórmula da Xunta para a difusión social das TIC.

Leer más

   

JPAGE_CURRENT_OF_TOTAL