Noticias

Cinco anos de dinamización, de modernización, de inclusión tecnolóxica

Viernes, 01 de Junio de 2012 08:08

A Rede de Centros para a Modernización e Inclusión Tecnolóxica de Galicia, a chamada Rede CEMIT, xestionada pola Xunta, leva dous anos en plena operatividade, conta con aulas de informática en máis de noventa concellos do país e vén de integrar na súa páxina web o acceso á rede e os procedementos de reserva e matrícula nas actividades dos seus centros. A rede recolleu o testemuño das anteriores Rede de Telecentros de Comunicación e Rede de Dinamización da Sociedade da Información, postas en marcha polo bipartito dende cadansúa área de goberno, mantendo os obxectivos de achegarlle as novas tecnoloxías á cidadanía, en especial aos colectivos afectados pola fenda dixital, e tamén cunha maior ambición de ampliar os proxectos formativos a traballadores e sectores empresariais. No ToxoTic desta semana analizamos a fórmula da Xunta para a difusión social das TIC.

Leer más

Queres Tecnologías gaña o Premio Alfresco á Mellor Solución do 2012

Jueves, 31 de Mayo de 2012 17:29

Tras seis anos de traballo como partner de integración de sistemas de Alfresco  para a zona EMEA (Europa, Oriente Medio e África), a empresa de Eganet Queres Tecnología resultou premiada pola compañía californiana co galardón á Mellor Solución 2012, que recibiron durante a Conferencia de Partners desta zona celebrada na localidade francesa de Mandelieu La Napoule o pasado 25 de abril.

Recollida en Código Cero | InnovaMás | EcoDixital | Mancomún

Leer más

Dúas socias de Eganet participarán en senllos programas formativos

Miércoles, 30 de Mayo de 2012 11:39

Redegal, empresa de desenvolvemento de software e consultoría tecnolóxica, e Ceo Aberto, que ofrece servizos relacionados coa actividade cultural, mundo creativo e comunicación, participarán activamente os vindeiros días 31 de maio e 1 de xuño en dúas xornadas formativas relacionadas coas súas respectivas áreas de negocio.

Leer más

Os firmes avances do software libre

Viernes, 25 de Mayo de 2012 09:52

A informática en fontes abertas continúa a ser máis ca unha tendencia ou unha moda. A comunidade desenvolvedora de software libre consolidouse na actualidade como a gran fornecedora de programas e solucións en todos os ámbitos e para todos os públicos. Todo un ideario e case un estilo de vida que agora, non sen tempo, atopa nas Administracións un apoio decisivo que á súa vez persegue retroalimentarse e busca a súa contrapartida. Os últimos anuncios da Xunta respecto do software libre, como doutros gobernos autonómicos, así o corroboran. Pero imos prestarlle unha atención un pouco máis detallada ás medidas que vén de anunciar a AMTEGA e avaliar as súas repercusións, isto é, trátase dos acostumados anuncios políticos sen unha transcendencia práctica relevante ou estamos ante unha vocación real de asumir o software libre como ideario e aposta propia da administración?

Leer más

Eganet participará na presentación da candidatura de PuntoGal para un dominio galego

Jueves, 24 de Mayo de 2012 17:51

O proxecto para obter un dominio propio para Galicia, o .gal, está a piques de ser enviado á ICANN  para a súa valoración. Tras un prolongado traballo a Asociación PuntoGal, principal promotora da iniciativa, prepara unha presentación pública e debate sobre a mesma. Eganet, como integrante de PuntoGal, participará activamente neste acto, que se celebrará o vindeiro martes 29 ás 12.00h no Auditorio da Biblioteca de Galicia (na Cidade da Cultura), a través da presenza de Víctor López na mesa redonda.

Recollida en Código Cero | Sermos Galiza | Praza Pública | Diário Liberdade | Cultura Galega | ECOdixital | Mancomún

Leer más