Últimos días para inscribirse na 'misión comercial' ao Brasil

Tras escoitar as preferencias dos socios, Eganet organiza a misión comercial de 2011 ao Brasil. Esta terá lugar entre o 25 de setembro e o 2 de outubro, tempo no que as empresas participantes poderán establecer contactos comerciais coas compañías brasileiras do seu interese. O prazo para inscribirse remata o luns 14 de marzo.

Esta misión comercial directa vai acompañada doutras accións complementarias:

 

  • Eganet fará un Plan Estratéxico Sectorial de Internacionalización a Brasil que axudará a estudar con detalle o mercado brasileiro.
  • A mediados de xuño farase unha misión inversa, na que varias empresas brasileiras virán a Santiago de Compostela para facer reunións de networking coas empresas que estean interesadas.

No 2010 unha delegación de empresas socias de Eganet xa visitou O Brasil, país que está e experimentar un intenso crecemento económico que situará o seu mercado como un referente a nivel mundial a curto prazo.  O potencial económico mundial en ascenso, as dimensións do mercado que facilita a entrada nun continente e a facilidade idiomática dos galegos fan de Brasil un destino canto menos atractivo e no que se fixar. Despois da prospección do pasado ano, esta é unha segunda oportunidade para pechar alianzas.