Tecnoloxia

IkiMap abre a súa API nunha aposta pola integración con outros servizos

Xoves, 02 de Febreiro de 2012 17:03

Durante o obradoiro de IkiMap realizado o día 13 de xaneiro, promovido pola plataforma Xeoinquedos, presentáronse algunhas das novidades que presentará este servizo de xeolocalización durante o 2012. A primeira delas, que xa se fixo efectiva, foi a apertura da súa API, co obxectivo de ampliar as posibilidades na integración con outros servizos e ferramentas, permitindo mesmo a creación de desenvolvementos totalmente novos baseados en IkiMap.

Ler máis

Empresas socias

Redegal expande o seu ámbito de traballo coa apertura dunha nova oficina en Vigo

Mércores, 01 de Febreiro de 2012 13:09

A empresa de solucións tecnolóxicas Redegal, socia de Eganet, ven de darlle un pulo ao seu labor coa apertura dunha nova oficina na cidade de Vigo. A apertura desta nova sede quere ser un paso estratéxico que responde ao obxectivo de buscar novas sinerxias coas empresas establecidas nesta cidade, afianzar as relacións xa creadas e atopar novos nichos de mercado para darlle maior saída aos seus servizos tecnolóxicos, que hoxe están orientados ao desenvolvemento de solucións de e-commerce e aplicacións para móbiles, ademais dos servizos de consultoría e software a medida que Redegal viña fornecendo tradicionalmente.

Recollida en Código Cero | Tecnópole

Ler máis

Empresas socias

Eganet estará no Compostweets 2012 a través de Buydeal, Primate e Imaxín Software

Venres, 27 de Xaneiro de 2012 14:08

Onte facíase público o programa completo do Compostweets 2012, a segunda edición do Encontro Anual de Social Media en Galicia que se celebrará o sábado 25 de febreiro no Centro de Novas Tecnologías de Galicia (CNTG). Tres das empresas de Eganet, Buydeal, Primate e Imaxín Software, participarán activamente en dúas das mesas redondas previstas para a xornada.

Ler máis

Empresas socias

Abrimos dúas prazas para empresas externas a Eganet no curso de HTML5

Xoves, 26 de Xaneiro de 2012 14:04

O pasado 18 de xaneiro anunciabamos a apertura da inscrición para o curso de HTML5  que organiza Eganet en colaboración con Tesla Technologies e Imaxín Software. Tras esgotar en apenas tres días as 15 prazas ofertadas nun principio, decidimos ampliar atá 20. A día de hoxe, quedan dúas prazas dispoñíbles para empresas externas a Eganet, que se ofertan ao prezo de 250€ por persoa.

Ler máis

Internet

LaconNetwork celebra o seu segundo aniversario

Luns, 23 de Xaneiro de 2012 12:01

Dende xaneiro de 2010, os emprendedores galegos teñen por costume xuntarse o último venres de cada mes nunha xuntanza que se deu en chamar "Lacon Network", e que naceu dunha idea dos equipos de ConfirmSign, unha das nosas empresas socias, e Pleiteando.com, rede social para profesionais do mundo lexislativo. O vindeiro 27 de xaneiro, a Lacon Network celebrará o seu segundo aniversario cun encontro no Centro Tecnolóxico de Arteixo (Avd. Arsenio Iglesias s/n), a partir das 10:00, no que o presidente de Eganet, Víctor López, intervirá como participante nunha das mesas redondas.

Ler máis