Internet

LaconNetwork celebra o seu segundo aniversario

Luns, 23 de Xaneiro de 2012 12:01

Dende xaneiro de 2010, os emprendedores galegos teñen por costume xuntarse o último venres de cada mes nunha xuntanza que se deu en chamar "Lacon Network", e que naceu dunha idea dos equipos de ConfirmSign, unha das nosas empresas socias, e Pleiteando.com, rede social para profesionais do mundo lexislativo. O vindeiro 27 de xaneiro, a Lacon Network celebrará o seu segundo aniversario cun encontro no Centro Tecnolóxico de Arteixo (Avd. Arsenio Iglesias s/n), a partir das 10:00, no que o presidente de Eganet, Víctor López, intervirá como participante nunha das mesas redondas.

Ler máis

Empresas Socias

Eganet organiza un curso de HTML5 en colaboración con Tesla Technologies e Imaxín

Mércores, 18 de Xaneiro de 2012 12:37

As sinerxias entre Eganet e as empresas socias permiten ampliar e mellorar os servizos que ofrece a propia asociación. Nesta liña de colaboración, comprácenos anunciar a organización do curso "Introdución a HTML5", destinado ás empresas de Eganet, que terá lugar entre o 10 e o 18 de febreiro. Tesla Technologies será a encargada de impartilo, mentres que Imaxín Software ofrecerá a súa sede para a celebración do mesmo. O curso está destinado a socios de Eganet, e abrirase ao público só se as empresas socias non cubren as prazas ofertadas. Neste caso, o prezo para as persoas alleas á asociación será de 250€.

Recollido en Tic Galicia | OSIMGA | IMIT

Ler máis

Eganet

Eganet suma sete socios novos durante os últimos meses de 2011

Martes, 10 de Xaneiro de 2012 00:00

O peche de 2011 deixounos un bo sabor de boca máis aló dos Premios Eganet 2011, grazas á incorporación de sete empresas novas á familia de Eganet. A confianza que depositaron na asociación supón un pulo no noso compromiso coas empresas socias e é un indicativo da vontade e necesidade de unir forzas neste ano que comeza. Damos pois a benvida oficial a Desoños, Tagen Ata, Tesla Technologies, Camburweb, La Náutica Servicios Náuticos, Elo Technologies e Trileuco Solutions.

Ler máis

Eganet

UNINOVA xestionará o Programa Erasmus para Mozos Emprendedores

Luns, 09 de Xaneiro de 2012 13:45

Mais alá da fase de estudos universitarios, o Programa Erasmus ten un amplo abano de ofertas para profesionais, emprendedores e empresarios. A incubadora de empresas da USC, UNINOVA, será un dos organismos intermediarios que xestionarán unha delas, o Programa Erasmus para Mozos Emprendedores. Enmarcado na iniciativa europea "Erasmus Entrepreneurs", este programa vai dirixido a mozas e mozos emprendedores de calquera dos países da UE que desexen adquirir experiencia laboral no seo dunha empresa. Dende Eganet, queremos convidar ás empresas socias, e ao tecido empresarial galego en xeral, a participar nesta beneficiosa iniciativa.

Ler máis

Eganet

O prazo para entrar na segunda fase do programa B2C remata o día 13

Xoves, 05 de Xaneiro de 2012 11:01

O pasado mes de decembro anunciabamos que EGANET era escollida como entidade colaboradora do programa de asesoramento a pemes en Comercio Electrónico B2C, promovido por Red.es. Actualmente, e ata as 13.00h do 13 de xaneiro, atópase aberta a segunda fase de selección do proxecto, á que poderán presentarse as entidades interesadas en recibir as axudas para emprender ou mellorar proxectos de e-commerce a través do labor de asesoramento das entidades colaboradoras.

Ler máis